Jin û mêr

Ji Wikiquote
Here cem: navîgasyon, lêgerîn

Amerîka welatek azad e ku her mêrî maf heye wî tiştî bike yê ku jina wî dixwaze.
Ernest Hemingway



Bêhejmar zelamên jîr mil bi milê jinikên bêmejî ve tên dîtin, lê hema qet nayê dîtin ti zelamê bêhiş digel jinek jîr.
Clint Eastwood


Yên destpêker jî dikarin keçan nêçîr bikin. Lê bo veqetîna ji wan, kesên tecrûbehe lazim in.
Clark Gable


Ca kî dê tehemila wê jinê bike ya bê kêmasî be.
Juvenalis


Mirov nawelide jin, mirov dibe jin.
Simone de Beauvoir


Nizanim ka jin ji zelaman baştir in - lê baş dizanim ku ne ji wan xirabtir in.
Golda Meir


Jinan dem nîne ji bilî bi realîstî bi awayek din li tiştan binerin.
Agatha Christie


Guherrbar e herdem jin.
Vergilius Maro


Jin yan jê hez dike yan jî jê nefret dike; ti alternatîvên dî nînin.
Publilius Syrus


Tevgera azadiya jinan pûç û betal e. Jixwe zelam in yên zorlêbûyî. Zelam nikarin zarrokan biwelidînin. Û ne bawer im ku ti kes bikare di vê pirsgirêka wan de alîkariya wan bike.
Golda Meir


Pêdiviya her jinekê bi zelamekî heye daku wê bibîne.
Charles Chaplin


Jinên sar nînin lê hin zelam nejêhatî ne.
Francis Bacon


Şimikên qupikbilind wê jinê keşf kirin ya ku devê wê hatibû maçkirin.
Christopher Morley


Jin ji zelamên kêmaxiv hez dikin. Bawer dikin ku zelam guh didin wan.
Marcel Achard


Wê jinê, ya ku paşeroj hebe, pêşeroj nîne.
Oscar Wilde


Tek dema jin dixwaze salekê pîrtir be ew dem e ku zarrokekî dipê.
Mary Lombard


Pirranî zelam hemî zelaman hevalên xwe dihesibînin, pirranî jin hemî jinan dijberî xwe dibînin.
Jean de La Bruyère


Bextiyar jin ew e ya ji xwe napirse: Kîjan kiras li min spehîtirîn e dema ew bêt, lê ya dipirse: kîjan kiras herî kêm qurmiçî dixwiye dema ew biçe.
Eva Seaberg


Jin çi bikin jî, divê ducarî zelaman baş bikin daku hema nîvî zelaman baş bên hesibandin. Ya baş ew e ku qet ne dijwar e jin wisan bikin.
Charlotte Whitton


Ger jin bi rastî jî hind jîr in, çima ew cilên wisan li xwe dikin ku meyîk û bişkoşk li piştê ne.
Leonard Levinson


Ger jin cam jî bin, tê re nayê dîtin.
pendek rusî


Kî bibêje ku di jinan re dibîne, pirr ji dest dide.
Groucho Marx


Bo yê jinek baş hebe ti bela ne giran in.
pendek navneteweyî


Jin di evînê de ji pirraniya zelaman pêşvetir in lê di hevaltiyê de mêr li pêş in.
Jean de La Bruyère


Yê jinek bo xwe dît, wî bextiyarî dît.
Pîrozname


Rêya berev serkeftinê tijî jin e yên ku mêrên xwe pêşve def didin.
Thomas Dewar


Ger jinek bêkêmasî bixwazî, wa bihesibîne ku ew wa ye.
nenas


Divê tenê jinek wisan bo xwe bibijêrî ya ku te dê bo xwe wek heval bibijarta ger zelam ba.
Joseph Joubert


Ger bi jinek wisan re bizewicî ya ku zewqê ji xerckirina pare werdigire, ti çareyek dî nîne ji bilî wê ku divê xwe fêr zewqwergirtina ji qezenckirina pare wergirî.
Edgar Watson Howe


Baştir li çolê bijiyî, ne li ber destê jinek gazindo.
Pîrozname


Baştir e jina xwe ne bi çavan lê bi guhan bibijêrî.
pendek navneteweyî


Jin bo jêhezkirinê ne, ne bo jêfamkirinê.
Oscar Wilde


Bi zewacê jin azadiya xwe bi dest dixe, mêr azadiya xwe ji dest dide.
Immanuel Kant


Mal zindana keçan û kargeha jinan e.
George Bernard Shaw


Texmîna jinan ji piştrastiya mêran pirr sexbêrtir e.
Rudyard Kipling


Yê Xwedê wezîfeyekê bidiyê, dê bidiyê - ger ne hiş û aqil - jinekê.
Georg Christoph Lichtenberg


Psîkiyart kesek e ku bi bihayek giran wan pirsan ji te dike yên ku jina te belaş ji te dike.
Joey Adams


Gelek zelaman bi ser ketine bi xêra jina xwe ya pêşîn - û bi xêra jina xwe ya duyem.
Jim Backus


Cihê jinê nivistinxane ye.
Suzy Cartland


Jina min hê jî spehî ye. Lê niha hê pirrtir dem divê.
Charles Chaplin


Jin dixwin dema dipeyivin, zelam dipeyivin dema dixwin.
Malcolm de Chazal


Xwedê yekem hoperlor ji binkefşê Adem çêkir.
Jack Carter


Jin bi rêgirtina nêzîkbûna zelaman dest pê dikin û bi gerrîna li reva wan bi dawî tînin.
Oscar Wilde


Mezintirîn cudahî di navbera jin û mêran de ew e ku zelam tiştan fam dikin, jin têkiliyên navbera wan tiştan.
John Fowles


Ti car dijî jinê nepeyive. Dema xwe demekê ragirî, ew dê bi xwe dijî xwe bipeyive.
Humprey Bogart


Divê yan hezkirina ji jinê yan famkirina ji wê bibijêrî.
Nicolas-Sébastien Chamfort


Pirrtir bala zelamê navincî dikişîne ew jin ya ku bala xwe dide wî ji wê jinê - çi jin be - ya ku lingên delal hene.
Marlene Dietrich


Jin bersinor in: yan ji mêran çêtir in yan xirabtir in.
Jean de La Bruyère


Zelam piştî çar piyaleyan mest dibe, jin piştî çar maçan.
Henry Louis Mencken


Çima jin deh salan tê dikoşe daku mêrê xwe biguherrîne û paşî gazinan dike ku mêr êdî ne ew mêr e yê ku ew li gel zewicîbû.
Barbra Streisand


Dema jin dimire, mêr nabe bîmêr lê dibe sêwî wek zarrokan.
pendek rusî


Ji ber ku ez zelam im, dikarim bibim pop (serokê dînî yê îsawiyên katolîk).
Miguel de Cervantes


Mêr taca mexlûqan e.
nenas


Hezar zelam dikarin bi sulh bijîn lê du jin jî nikarin.
Lukianos


Zelam piçekê lê pirr car dibe dildar - jin gelekê lê kêm car.
Madame de Baste


Ger mêran jî zarrok biwelidandina, dê her malê tenê zarrokek heba.
nenas


Ma hûn dixwazin zelaman fam bikin? Lêkolînan li jinan bikin.
Jean Jacques Rousseau


Xwedê zelam ji berî jinê afirand ji ber ku şîret bo afirandina zelamî nedixwestin.
Jack Carter


Pirrî car tiştên wisan tên keşfkirin yên ku jinan ji mêj dizanîn.
George Bernard Shaw


De bi kêmanî di tiştekî de jin û mêr hevbîr in: baweriya ti ji herduyan bi jinan nayê.
Henry Louis Mencken


Ca ez dê çi zelam bam ger ne ew zarrok bam yê ku bûm.
Albert Camus


Di her zelamî de zarrokek pênc-heşt-salî veşartî ye.
Paul Valéry


Mêr ew e yê te baştirîn salên xwe danê ji ber ku wî ew kirin baştirîn salên te.
D. C. J. Fison


Zewacê ji yekî pirrtir zelam berev seksê ajotine.
Peter de Vries


Bo jinê baştir e li gel wî zelamî bizewice yê ji wê hez dike, ne yê jin jê hez dike.
pendek erebî


Zelam li gel jinekê dizewice daku bela yên dî ji xwe veke û paşî nêçîra gelek yên dî dike daku ji bîr bike ku li gel yekê zewicî ye.
Helen Rowland


Bextiyar ew mêr e yê jinek heye dibêje ka divê çi bêt kirin û sekreterek heye ya wan karûbaran dike.
Lord Mancroft


Mêr ew e yê nikarî aciz bikî bêyî ku xwe jî aciz bikî.
D. Watkins


Jin mêrên navincî dixwazin, û ta ji mêran tê wa dikin ku navincî bin.
Bertrand Russell


Mêr ew herdu pî ne yên du rojên şemî û yekşeman di bin tirimpêlê re tên dîtin.
Joy Bell


Ti mêrî li gor cilên wî nenirxîne, li gor yên jina wî binirxîne.
Thomas Dewar


Her mêr serwerê mala xwe ye - ta ku mêvan diçin.
nenas


Jinên nûjen her tiştî fam dikin, ji bilî mêrê xwe.
Oscar Wilde


Zelamê nezewicî belkî bêaqil be bêyî ku bizane, yê zewicî qet ti car.
Henry Louis Mencken


Nabe mêr ti car pêşîn binive yan dawîn şiyar bibe.
Honoré de Balzac


Mêr ew e yê ku dixwazî tu ji berî wî bimirî - daku bêyî wî nejiyî.
M. Larter


Rehm û dilovanî ji malê dest pê dike.
Terentius


Cihê hişmendek lê hebe, du bextiyar jî lê ne.
pendek elmanî


Bi xirabî li kesûkarên xwe nepûnije ger ew bawerî li nik te be. Gengeşe û şerrenîxê li gel wî neke ger yê xirabî li te nekiribe.
Pîrozname


Bextxweşî û bextreşî tenê di çavên zarrokan re dikare bêt dîtin.
Robert Kennedy


Herhal em dê bi zewacê tenê wan tiştan werbigirin yên me dane.
Honoré de Balzac


Ti kes hind kedê bo malê xwe nade hindî yê li gel malî zewiciye.
Frank Hubbard


Bo evînê bes e ku mirov hevberê xwe dilxweş bike. Bo ku di zewacê de bextiyar bî, divê ji kêmasiyên hevbera xwe jî hez bikî yan jî bielimî wan.
Nicolas-Sébastien Chamfort


Zewac bi sê parên xwe evîn e û bi heft parên xwe lêborîn e.
Langdon Mitchell


Zewaca bextiyarane peymana navbera du kesên efûker e.
Ruth Bell Graham


Zelam xaniyan ava dikin, jin malan.
nenas


Gerr û geştên zewacê komedî ne li ser irf û edetên me. Mirov dizewicin daku malekê bo xwe ava bikin lê tişta ew herî pêşîn dikin ew e ku ji mal direvin.
Paul Morand


Jinikê got ku mêrê wê şeva dawetê tiştek wisan pêşniya kir ku birayê wê jî dê newêrîba pêşniya bikira.
James Thurber


Gengeşe sulhê şirîntir dike.
Publius Syrus


Cihê zewaca bêevîn lê hebe, dê evîna bêzewac bêtê.
Benjamin Franklin


Hêza zelaman bûye sedema hin encamên bextreşane. Wan têkiliyên mirovên nêzî hev kirine têkiliyên axa û xulaman.
Bertrand Russell


Evîn ji zewacê xweştir e ji ber ku roman ji dîrokê xweştir in.
Nicolas-Sébastien Chamfort


Divê mirov herdem dildar be. Lew divê mirov qet nezewice.
Oscar Wilde


Tirsa ji bêkesî ji tirsa hatingirêdanê mezintir e lew em dizewicin.
Cyril Connolly


Mirov ne berpirs in ji zewacên têk diçin. Zewac bi xwe heyînek xirab e.
Simone de Beauvoir


Tu dizanî zewac çi ye? Ew e ku jin ji mêrî daxwaz dike ku derpiyê xwe ji xwe bike - daku jin bişo.
Ria Wägner


Zewac hin sinoran datîne ber takekesan û wisan piştrastiyê dide tevahiyê.
Friedrich Hebbel


Nîne ti mêr yê ku tehemil bike ku ew jin, ya ku di xaniyê wî ve dijî, di nav nivînên wî re dinive, ji wî jîrtir e.
Pearl S. Buck


Carinan baştir e di gengeşeyê de têk biçî, ne bi ser bikevî.
Billie Holiday


Ma dixwazî di hunera gengeşeyê de xwe pêş bixî? Bizewice!
[[Otto Weiss


Ti car li gel jinê gengeşeyê neke ger ew e westiyayî be - yan bênvedayî be.
H. F. Diefenbach


Di hemî dîroka dinyayê de ti zelam fêr nebûne ku li gel ti jinê bijî. Lê tişta seyr û sosret ew e ku ti zelam bêjin jî nejiyaye.
Lin Jutang


Yê jinek spehî, dîwar li tixûbê zeviyê û gelek rez hebin, şerr ji jiyana wî kêm nabin.
pendek spanî


Ew zewac baş e ya ku bi roj tê jibîrkirin ku jin û mêr evîndar in, û bi şev jî tê jibîrkirin ku herdu jin û mêrên hev in.
Jean Rostand


Tevî ku ev 30 sal in ku ez lêkolînan li ser jinan dikim, min hê jî nikare bersiva vê pirsê bidim: "Jin çi dixwaze?"
Sigmund Freud


Di pergala îroyîn de jin her pare ji mêran û mêr her derxwiyangê ji jinan dixwazin.
[[Esther Gable


Her tişt gengaz e bo zelamî yê ku ne hewce ye ti bike.
Earl Wilson


Tecrûbe ew e ya ji ber dimîne dema min navê wê jinê ji bîr kiribe.
John Barrymore


Hemî mêrên bi rastî mezin dihêlin ku afirandiyek biçûk stemê lê bike.
Honoré de Balzac


Mêr heye, jin dike.
pendek efrîqî


Peyv mê ne, gotin nêr in.
Gabriel Maurier


Ti zelamî ti zelam nedîtiye ku amade be li gel bizewice ger jin ba.
George Gibbs


Yên bêjin ji yên bijin di biwarê jinan de şarezatir in. Ger ne wa ba, ew jî dê zewicîban.
Henry Loius Mencken


Zelam wê dibêje ya dizane, jin wê dibêje ya dilan xweş dike.
Jean-Jacques Rousseau


Camêrê resen rastiya rûs nabêje ger jin guhdar bin.
Mark Twain


Zelam camêr ew e ku jinê ji her tiştî biparêze - ji bilî ji xwe camêrî.
Ernest Hemingway


Çavkanî

Husein Muhammed:Jiyanname 11, Kovara MEHNAME, hejmar 51, 4/2004

http://www.freewebs.com/mehname